كل عام وأنتم بخير

رمضان كريم

الـيـلـه عـيـد

اليله عيد والعريس هيتجوز

*

*

*

*
بمأن العريس هيتجوز يبقي العروسة هتتجوز

*

*

*

*
العريس متين والعروسة متينة

العريس والعروسه

كفاية كده أنا كنت بعبر عن فرحتى بزواج عريس الأمة زينة شباب مصر (ده لو كان فيه شباب أصلا ) النهارده أخوانى وأخواتى زواج أبن الريس الصغير أخر العنقود السكر الجميل الطيب اللي فيه كل حاجه حلوه وأحنا فينا كل حاجه وحشه ماعلينا النهارده الفرح علي الأنسة موني أو خديجة (ماعرفش ايه اللي جاب موني لخديجة ) المهم الفرح النهارده والمعازيم هيكون بابا وماما وعلاء ومراته والأولاد وبوش وألومرت وبلير وكل من ساعد علي هدم الأمة العربية والكيان العربي ونعتذر لعدم عزومة الشعب علشان أنتم عارفين أنها حاجة عائليه وعلي القد قوي ليله هتخلص بسرعة

عيب بعد الجواز

مكان الحفل شرم الشيخ وقد قامت مشكورة أسرائيل بتأمين المنطقة من الأوباش المصريين حتي لا يعكروا صفوا الحفل

وأحب أن أتقدم الي كل من ساهم في الفرح بالشكر واخص أسرائيل وأمريكا وتمنياتنا للرئيس المقبل زواجا سعيد (بس عايزو أفهم حاجه لما جمال يمسك ويكون الريس هنقول ماما موني ولا ماما خديجة والنبي حد يقولي علشان ماأغلطش) وحاجه تانيه أحنا هنحنفل بعد كده بميلاد الريس ولا فرح الريس ولا ايه بس علشان والله مافاهم حاجه

مونى ومامتها

أنا قرأت هذه الحكايه من أحد المنتديات عن عضو فى حركة كفاية أقرأوا
رغم أنى تكلمت مع خديجة بشكل شبه مستفيض (في جلسة جماعية ضمت بعض أصدقائي وأصدقائها ) ألا أن هذه المره لايمكن أن تسقط من ذاكرتيأو ذاكرة أي حد حضرهالأن خديجة من الناس اللي صعب جدا تقابلها مرتين في حياتك أنا أسف لأني مش هقدر أقول عنها كتير لأني ماسمحش لنفسي بكده لكن يكفي اني أقول أنها ماكنتش تعرف ان فيه حاجه أسمها ربع جنيه مخروم وأضريت أني أدور علي واحد علشان تمسكه بأيديها وتتأكد أنه موجود فعلا وأني ماكنتش بهزر معاها

مبروك ياعروسة

أنا جالي ظغط وسكر وقلب وأستبحس لأ أستنوا أقرأوا ده كمان

جريدة المصريون الالكترونية لتقرأ تقريرا عن ان : "فستان العروس بـ150 ألف جنيه.. ومصمم عالمي لخاتم خطوبة جمال مبارك" ولكن كثيرون شككوا في في ان تكون تكلفة الفستان 150 الف جنيه فقط معللين ذلك بان ساعة واحدة من تلك التي يرتديها جمال مبارك ب175 الف جنيه

طيب لما فستان الخطوبة بالتمن ده أمال فستان الفرح هيبقي بكام

والله الواحد مش معترض أن حد يتجوز ده شئ جميل ولا مفر منه ولكن النصيحة اللي نقولها لعلاء مبارك خديجة أه مصر لألألأ وألف لأ

وشـكـرا

مـصـر

وصلتنى أمس أحدي رسالة علي البريد الألكتروني الخاص بي من أحد الأصدقاء وكان يتكلم عن المدونة بتاعتي وبعض المدونات الأخرى ووصفنا أننا نكتب فى هذه المدونات من أجل بعض المصالح وأننا لا يعجبنا شئ في البلد وفضحنا البلد من الأخر

حبيت أرد عليه من خلال المدونة بتاعتي أننا مصريون ونحب مصر جدا وتراب وشعب وأهل مصر ولهذا نحن نكتب فليس من حبنا لمصر أن نري بعض السلبيات ونسكت عليها حتى لاننفضح أمام العالم مجرد سكوتنا علي هذه السلبيات هي الفضيحة

أخي في كل بلاد العالم يوجد سلبيات وأيجابيات وأنا من الناس اللي سافرت للخارج ورأيت بعيني نعم عندهم أيجابيات كثيره ولكن عندهم سلبيات أيضا كثيرة ولكنهم لا يسكتون عن سلبياتهم ويحلونها متضامنين مع بعضهم

هنا في مصر يوجد سلبيات وأيجابيات كثيره ولكننا سلبياتنا أكتر من أيجابيتنا ولا نحاول حتي التطرق الي هذه السلبيات نغلق أعيننا وعقولنا ونعطيهم لغيرنا وتنتشر الكلمه الشهيره (كله تمام ياباشا) ايه هوه اللي تمام ايه هوه اللي كويس ياأخي لوتكلمنا علي أتفه الأسباب لايوجد شارع في مصر مرصوف كويس لا يوجد شارع في مصر فيه أناره سليمه لا يوجد في مصر لا تنتشر فيه أعمال البلطجة يوجد مناطق وبلاد في مصر لايوجد بها ماء أو كهرباء أو صرف صحي أو اي خدمه علاجيه أو أي شئ هوه ده اللي كله تمام هوه ده اللي كله كويس

أنتشار المقاهي وأنتشار العاطلين عن العمل وأنتشار الأمراض أنتشار الحوادث الناتجة عن الأهمال وأنتشار أكثر من ذلك أنا لاأتكلم عن أمور سياسية فهذه ليست عملي أو شغلي في الوقت الحالي ياأخي يجب أن نري مصر في أجمل صوره وهذا من حقنا توجد العديد من الول التي كانت خلفنا ونسبقها بسنين سبقتنا وأصبحت لها مكانه أكبر من مصر

ياأخى لماذا نعطي ظهورنا للمشاكل دائما ونخاف منها ونهرب منها يجب أن نواجهها بكل حزم

أحب أن أذكر لك حكايه بسيطه وأنا في الخارج هبت عاصفه ثلجية شديده جدا وكل الطرق أغلقت فأتصلت أحدي السيدات بالشرطه أنها قد حجزت علي الطريق هي وأبنها الذي لا يتعدي عمره 8 سنوات والسياره لاتعمل ولا تعرف ماذا تفعل أرسلوا لها ثلاث طائرات للأنقاذها هي وطفلها أما هنا في مصر العبارات بتغرق والطيارات بتقع والقطارات بتولع ونهرب أصحابها ونستقبلهم في بيوتنا

ياأخي احنا زهقنا من اللي بيحصل هنا أحنا زهقنا من السلبيه التي أصبحت سمه أساسية في الشعب المصري وحاله اللامبالاه والفساد والبلطجة المنتشرة بشده داخل مجتمعنا المصرى

أخي نحن نحب مصر ونموت فيها ولهذا سوف نظل نكتب ونكتب حتي ينصلح حال هذه البلد وينصلح حال هذه الشعب

وشـكـرا

مـعـمـلوهـاش الأبـطـال

أنا أصلا ماكنتش عايز أكتب حاجه عن الماتش ده حتى لو فوزنا ولكن أنا تضايقت شويه بعد الماتش أولا مش من النتيجة ده مباراه ودية أحتفالية مالهاش أى قيمة فى الفوز أو الهزيمه ألي ضايقنى بعض الأشياء ونبتديها من الأول


أولا : تذاكر المباراة ده كانت حكاية ورواية ولعبة وفى الأخر أنضحك علي الشعب كله مش جمهور النادى الأهلى بس للأن كان فيه أكتر من جمهور وأكتر من جنسيات طيب أزاى أنضحك علينا أقولكم أنا المفروض ان تذكره الدرجه التالته 35 جنيه والتانيه علي ما أعتقد 50 جنيه حاجه كده ووصلت المقصوره علي ما أعتقد 1500 جنية عظيم ده الأسعار الموجوده علي التذاكر طيب أحنا دفعنا مليون ونص دولار لنادى برشلونة علشان يجى يلعب هنقول الأهلى مادفعش حاجة واللي دفع الشركات الراعية طيب الناس ده تجيب حقها منين التذاكر + الأعلانات مش هتجيب فلوس طيب نعمل زى اليهود أه زى اليهود عملوا ايه التذاكر خلصت نعم أزاى ده لسه مانزلتش بص وراك التذاكر موجوده بكام ياعم ب 200 جنيه ايه خلاص مش عايز ماتروحش أزاى ده برشلونه ده ايتو و ميسى وديكو و رونادلينهو يعنى ناس تقيله خلاص أدفع أدفع أحنا هنحسب أنهم باعوا كل التذاكر ب 200 جنيه مش هنحسب أم 1000 ولا 2000 كلها 200 جنيه فى سبعين ألف يعني 14000000 بالأضافة للأعلانات يعني الماتش زى الفل جاب حقه وزياده ومكسبة ومكسب ناس مالناش دعوه بيهم . والله اليهود أتبروا منكم


ثانيا : الملعب ياجماعه أرضيه كانت زي الزفت بصراحة وعلي لسان أدارى ولعيبة برشلونه وكل ما أفتكر 59 مليون جنية اللي أنصرفوا علي الأستاد أضايق جدا


ثالثا : وده المهم جدا بالنسبة ليا مستوى لعيبة النادى الأهلى في الماتش ده كان شئ لا يوصف أنا ماكنتش متوقع الفوز ولكن متوقع أننا هنلعب كويس هنلعب كورة زى اللي همه بيلعبوها مش اللي أحنا بنلعبها وثبت بالدليل القاطع ان اللي أحنا بنعمله ده مش كورة ده ملوخية ما علينا ده ماتش ومفيش مشكلة أنك تتغلب ده متوقع يبقى ألعب اللعيب اللي حسيت أنه فعلا عايز يعمل حاجة هوه أحمد عادل اللي أول ماشفته نازل الماتش قولت ده نازل يعمل ايه وأبوتريكه ياسلام على أبو تريكة عايز يرقص الفريق كله والي الأخ عماد متعب أنا بنصحه أنه يدبح عجل ويعدي عليه سبع مرات زى الوالده وكابتن الكباتن أنيس بوجلبان اللي كانت كل باصاته مقطوعه تذكرت وأنا بشوفه جابوا قبل الماتش المطرب صابر برشه قصدي صابر الرباعى قال أيه بيقول مبروك على الأهلى أنه بيلعب فيه لعيب كبير بحجم أنيس بوجلبان ياعم برشه أنت بقى وخليك فى اللي أنت فيه


المهم وصلنا لخط الدفاع ياجماعه أنا لا ولن أثق فى خط دفاع الأهلى من شادي الي وائل الي محمد صديق عماد النحاس بدأ يهبل والأجوان كلها من عندك ياباشا زى جون كأس العالم للأنديه وأحمد السيد الوحيد اللي أنا بثق فيه فى خط دفاع الأهلى كله وعصام الحضرى ياعيني أنا كان نفسي أعرف اللبانه راحت فين


أنا أهلاوي وأهلاوي متعصب كمان وأنا بنقض اللي شفته يعني ماجيش علي الأنترنت ألقي موقع من مواقع أبو خطين حمر يقولك أربعه ومربعه والموقع التاني يقولك عمرو أديب مين عمرو أديب ده هوه كل واحد طلع يهاجم الأهلي يبقي بطل


فزنا علي ريال مدريد قالوا ده طلعوا عنيهم وودوهم الأهرامات فزنا علي روما قالوا أنتم بوظتم أرضيه الملعب علشان مايعرفوش يلعبوا رحنا كاس العالم للأنديه وخدنا التالت وعملنا ماتشات جامده قالوا ده علشان مفيش فرق جامده


يخرب بيوتكم العيب فينا أحنا علشان سايبنكم عايشين علي الأرض أحسن حاجه نحطكم كلكم داخل كهف ونقفل عليكم ليوم القيامة علشان نرتاح


المهم هيه أحتفاليه للمؤية وكنا عايزين نشوف لعيبه جامده زى ده


مئوية الأهلى

ويعنى اللي عنده لعيبه زى ده هيتغلب برده ده حتي جودجونسون اللي أنا مبحبوش ومالوش فيها عمل ماتش كويس


هيه ده اللعيبه ولا بلاش

الواد ده كان بيتمنظر علينا

علي العموم أبطال الأهلي همه الأبطال همه الوحوش همه الرجاله علي طول غصب عن أبو خطين حمر والفريق التانى اللي عندهم الصفرا دول وغصب عن أي حد في أى مكان أو زمان

أبسط دليل لحبنا للأهلى

أخيرا وليس أخيرا أن النادى الأهلي بيلعب مع أكبر فرق العالم ممكن يتغلب وممكن يفوز ماننهزمش من أضعف فرق

العالم زى فرق أخرى ويكفي أن أكبر صحيفة أسبانية كتبت أن نادى برشلونة تاني العالم يقابل الأهلى تالت العالم في

مئوية الأهلى وده كفاية جدا

جدو حسام

حاجه بس حبيت أضيفها هوه الكابتن حسام حسن ماله قبل الماتش قال ماحدش عزمنى الكابتن هادى خشبه عزمه بعدين يقولك هادى حبيبي بس همه كده هانوني وجرحوا كرمتي أنت عايز نطلعلك مختار التتش من تربته علشان يجيبك ومصر كلها تتحايل عليك أنت وأخوك وبعد الماتش الباشا الكبير قاعد يحلل وينتقد ياعم كفايه شماته بقى خليكم في حالكم وأقعدوا في الدورى الأول وبعدين أبقى حلل أداء الأهلى وحلل أداء برشلونة كفايه بقى

وكل مئوية وأنت طيب ياأهلى

وكلمه أخيره معملوهاش الأبطال الحمد لله أنى ماكنتش معاهم

وشـكـرا

المـصـرى هـيـفـضـل مـصـرى

وصلتنى هذه الرساله علي البريد الألكترونى الخاص بيا من أحد أصدقائى وعجبتنى جدا علشان فيهابعض الحقائق الظريفة

أيوه... إحنا المصريين مختلفين عن الآخرين

المصري هو اللّي

ممكن يعدي التلاتين ولسه عايش مع أمه وأبوه وماعندهوش مشكلة

بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

يحط الريموت كونترول في كيس بلاستيك كعادة فرعونية

قف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ماإستخدمها

يشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

يكون مشغول بقيمة التيبس أو البقشيش طول العشا ياترى ربع جنيه ولا نص جنيه

رده بيتخانق ساعة دفع الحساب بحرارة شديدة على إنه هو اللي لازم يدفع

سرقوا منه العربية بس مشكلته هي المايتي زينجر

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

فعلا المصري هيفضل مصري

وشـكـرا

تزوير الدستور - حشد الطالبات للتصويت بنعم

وده كمان بس أنا علي ماأعتقد أنهم مش طلبه

تزوير الدستور - بلقاس

وده كمان حاله تزوير للدستور في مدينة بلقاس
شكرا للوعى المصرى وائل عباس

تزوير الدستور - ميت غمر

ده فيديو يبين التزوير الذي تم في مدينه ميت غمر
شكرا للوعلا المصرلا وائل عباس

هـديـة

الصوره ده موجوده ونشرت في جريده المصري اليوم وعدد كبير من أخواننا المدونيين الشرفاء الأفاضل نشروها وحبيت أوريهالكم علشان يكون كل شئ علي الواضح وتعرفوا أن الحريه والديمقراطيه راحوا مشوار من مصر ومشيوا خالص وطفشوا وشكلهم راحوا يجيبوا ورقه بوسطه أو خرجوا ولم يعودا أنا مش عايز أتكلم أصلا أقروها وقولوا رأيكم أو أشتكوا أمركم وهمكم لله ؟؟؟؟؟؟

وشـكـرا

كل عام وأنتم بخير

كـل عـام والأمـة الأسـلامـيـة بالـخـير بـمـنـاسـبـة الـمـولـد الـنـبـوى الـشـريـف

أعاده الله علينا وعليكم بالخير واليمن والبركات

وشـكـرا

دسـتـور يـاولاد

والله الواحد كان في حالة نفسية سيئه جدا الفتره اللي فاتت وماكنتش عايز أكتب أي حاجه خالص واللي كان مزهقني أوي التعديلات الدستوريه الجديده اللي الرئيس وأولاده والحاشيه بتاعته عايزين يغيروها وغيروها فعلا غصب عن عين التخين فينا المهم أنا رفضت فكره عدم الذهاب الي المقار الأنتخابية ورحت فعلا الساعه 2 الظهر كده علاشان أقول لأ وفعلا رحت والحزب الوطني الحاكم أستقبلوني من علي الباب ومادتهمش أي أهميه ودخلت اللجنة بتاعتي واللي شد أنتباهي حاجتين أولا ان الثلاثه المشئولين عن اللجنه مافيهومش قاضي وده مش مشكله مش هنشفوهم تاني غير في قاعه المحاكم والحاجه التانيه ان بصيت في الصندوق مالقتش غير 10 بس اللي صوتوا علي الدستور وأنا رقم 11 يعني محندش راح أصلا المهم قولت لأ ومشيت وفرحان أني رضيت ضميري وقلت ان مصر كلها هتعمل زي ماأنا عملت ولكن صحيت تاني يوم لقيت الأغلبيه قالوا نعم علي التعديل أنا أتصدمت أنا قلت مره واحد الحكومة تعمل حاجه من أجل الشعب الغلبان ده ويقولوا الناس قالت لألألأ بس تقول أيه ديل الكلب عمره ماينعدل أبدا أنا بقي قولت مفيش فايده ماكل اللي أحنا بنقوله ونكتبه وزورنا راح من الكلام اللي أحنا بنقوله كل مره وبرده فيه بعض الناس اللي بتبيع ضميرها علشان الفلوس علشان غدوه علشان وسطه علشان أي حاجه بتبيع شرفها وكرمتها وكل ماتملك من أجل دنيا فانيه ومايعرفوش ان ربنا مش هيسيب حقنا أبدا أبدا أبدا

بس فرحت النهارده لما دخلت علي الوعي المصري وشوفت الفيديوهات الخاصه بالأستفتاء والتزوير فيها وعرفت أن الشعب مش كله غشاش ومخادع ده بعض القله القليله المدسوسه وسطنا علشان تخربنا

بس اللي أنا نفسي أعرفه الى متي هذة القله سوف تتحكم فينا ؟؟؟؟؟؟؟؟؟؟؟؟؟؟؟؟؟؟؟

ياجماعه فوقوا بقي فوقوا ماهيه خلاص مفيش شغل أكتر من 90% من الشباب مش شغال ولو شغال مش متعين ولو متعين مابيخدش فلوس يبقي لازم يسرق لازم يكون حرامي زيهم ومفيش رعايه طبيه ولا أي نوع من الارعايه ولا الرفاهيه ولا أي حاجه أصلا أحنا ماشين بالبركه كده لو سمحتم فوقوا ولو لمره واحد وبعدين روحوا في الغيبوبه اللي أنتم عايشين فيها تاني مره واحد نصلح البلد مره واحد تكون أدينا في أدين بعض مره واحد بس مش كتير علي بلدنا ولا نمشيها مفيش فايده

أنا خلصت اللي عندي وماعنديش أي حاجه تانيه أقولها غير حـسـبـى الله ونـعـم الـوكـيـل

وشكرا

مرتضي شو

ورجعنا تاني ولكن المره ده مع مرتضي شو أيو للأسف مرتضي شو ليه بقي للأن الأخ مرتضي منصور مابيتعلمش من أخطاءه أبدا ولا هيتعلم ولكن المره ده أنا عايز أتكلم عن الموضوع من نظره تانيه خالص وهيه أن الأستاذ مرتضي بيرجع فعلا في أوقات غريبه بمعني أدق شوية بيرجع لما يكون فيه مشكله كبيره في البلد مره رجع أيام العباره ومره ايام أكياس الدم ودلوقتي رجع أيام تعديل الدستور ياسلام عليك ياأخ مرتضى فعلا أنت راجل عظيم أحب أقولك أنك مش هتتسجن ولا حاجه وحتخرج وكله هيبقي تمام بس مش دلوقتي لما تخلص الحكايه وتتعدل القوانين اللي الشعب مش عايزها تتعدل بس تتعدل علشان خاطر الريس وأبنه وحاشيته..؟

ياأستاذ مرتضي أرجوك أفهم لو مش فاهم أنك بيستخدموك كأداه علشان يشغلوا بيها الرأي العام ويتستروا بيها علي اللي همه بيعملوه ياعم أنسحب قول أنا مش عايز رئاسه الزمالك وهكون عضو عادي مش عايز كرسي البرلمان وهكون مواطن عادي وأخدم الناس من بره المناصب أحسن مليون مره من المناصب اللي أنت بتجري عليها ده

ولو فاهم وقابل اللي بيحصل ده سيبك بقي أنك راجل شريف وعفيف و.....ألخ للأنك كده بتضلل الشعب الغلبان اللي سعات يكون معاك وسعات كتيره يكون ضدك بس النصيحه اللي هقولهالك أن الشعب خلاص خرجك من دماغه وهيتفرغ للأهم أنشاء الله

وشـكـرا

روتانا قدرت تغمض عنيك

مع موجه الغضب والأتهامات الموجهه الي السيده هاله سرحان رئيسه قنوات روتانا او المذيعه بها احب أقول أخيرا وقعت هذه الهاله فأنا متابع لها من فتره كبيره يعني مش بتفرج علي برامجها بشوف المواضيع التي تناقشها أو التي تقحم نفسها فيها وتقحمنا معها فهي دائما تتكلم أو تحاول النقاش في المواضيع الجنسيه الغريبه من العاده السريه للرجال والنساء الي الختان الي عمليات أعاده العذريه ....الخ

ونحن كمجتمع شرقي لانحب أن نناقش هذه المواضيع علنيا وامام شاشات التلفزيون مع اني متأكد أن الشعب كله بيتكلم في الحاجات ده عمال علي بطال بس في الخفي ولو هتتناقش في التلفزيون ممكن نتقبلها من راجل مع بعض التحفظات ماعلينا اللي حصل حصل أنا عايز أتكلم عن حاجه أزاي البنات ده توافق أنها تعمل الموضوع أصلا هنقول أنك مش هتباني أومش هتباني أزاي أنا أبيع نفسي علشان 400 جنيه وغدوه أزاي أطلع أضحك علي أكتر من 75 مليون شخص وأقولهم أنا بنت مش كويسه وبعمل وأعمل وأعمل

أزاي أبيع شرفي وكرامتي علشان الفلوس والله العظيم والله العظيم تاني مره الحيام من غير كرامه لا تساوي أي شئ

الكرامه هيه أهم شئ أزاي أنا مش فاهم وأزاي أنا مذيع مشهور والناس خلاص حطت ثقتها فيه وبتصدقني في البرامج اللي أنا بعملها وفي الآخر ناسف للأننا كنا نكذب عليكم

ده كلام طيب فين الضمير وفين شرف المهنه اللي أحنا بنقول عليه أو اللي أنتم أول ناس بتنادوا بيه حرام عليكم الناس في مصر مابقاتش تصدق أي حاجه حتي البرامج الترفيهيه

أخر حاجه السيده هاله سرحان أنتي بتقدمي برامج ترفيهيه ولا سياسيه ولا سينمائيه ولا ايه بس أنا مش فاهملك شغلانه اللي انا عارفه مثلا مفيد فوزي مع أني مش بحبه قوي الراجل بيحاول يتكلم عن المشاكل الموجوده في المجتمع وبيتكلم فيها اه بيجيب ناس فنانين ورياضيين بس الكل بيتكلم في نفس القضيه مش حضرتك بتاعت كله

عاما انا اه مش بحبك بس أنتي غلطتي غعلط كبير جدا ولازم تتحاسبي علشان تكوني عبره لمن أعتبر وهروبك وجلوسك في دبى مش هيفيدك لا هما هيسبوكي تعيشي طول عمرك هناك ولا أحنا هنسيبك

حاجه أخيره لينا كلنا بلاش والنبي بلاش تاني مره للمره المليون أننا ندي عقولنا وعقول أولادنا لناس لا تستحق

و ده اللينك اللي يبن كل الكلام اللي أنا قولته بس بطريقه أكبر في موقه في البلد

http://news.filbalad.com//News.asp?NewsID=17586

وشــكــرا

عــملــــوهـــا الأبـطـــــال

مبروك اكل أهلاوي ولكل مصري حصول النادي الأهلي علي كأس السوبر للمره الثالثه في تاريخه وأحتفاظه بالكأس مدي الحياه رغم عن بعض المواقع اللي بتكذب أحتفاظ النادي بالكاس المهم مبروك للأهلي ومبروك لمصر البطوله 99 وأحنا مستنين البطوله رقم 100 والي الأمام دائما ياأهلي

وشـكـرا

عائلة مدون مصري تتبرأ منه ووالده يصفه بـ النسناس

هوه ده نص المقال المكتوب في موقع في البلد النهارده

أعلنت أسرة طالب الأزهر السابق عبدالكريم نبيل سليمان الشهير بكريم عامر وهو أول مدون مصري يحاكم بسبب كتاباته على الإنترنت ، تبرؤها منه قبيل الحكم عليه يوم الخميس القادم. وقال والده نبيل سليمان مدرس الرياضيات المتقاعد أن على المحكمة أن تطبق حد الشرع على أبنه باستتابته لثلاثة أيام ثم قتله إذا لم يعلن توبت

ويحاكم عبدالكريم بتهمة إزدراء الأديان بعد أن نشر مقالات على الإنترنت هاجم فيها الإسلام وتجرأ على النبي صلى الله عليه وسلم والصحابة ، ومن ضمن التهم الموجهة إليه أيضا الإساءة لسمعة مصر والعمل علي تكدير السلم وقلب نظام الحكم

وقد قرر والده العدول عن مقاطعة جلسات المحاكمة وحضور جلسة النطق بالحكم هو وأشقاؤه الأربعة الذين يحفظون القرآن الكريم كاملاً لإعلان تبرئهم من المتهم عبدالكريم داخل قاعة المحكمة، لرفع الحرج والضغوط التي تمارسها منظمات المجتمع المدني علي هيئة المحكمة. ووصف والد المتهم المنظمات التي تسعي إلى تبرئة ابنه بأنها منظمات "حقوق النسناس"، كما وصف ابنه بأنه "النسناس" الذي قام بتقليد ملحدي الغرب في آرائهم الفكرية ، وقالت العائلة إنها ستعلن تبرؤها من الابن على الإنترنت أيضا

أنا كنت ذكرت رأي في هذا الموضوع من قبل وقلت انا مع حبسك واعتقالك ياكريم وأي حكم هيتاخد ضددك هيكون قليل

الحريه والديمقراطيه لا تستعمل في سب الدين والرسل وشهر رمضان أرجع لنفسك واطرد هذا الشيطان وأعلم ان الحريه والديمقراطيه ليست كذلك فالغرب مهما كانت حريتهم او رأيهم لايشبون دينهم ولا وطنهم ولا ذوييهم

ممكن تكون في أشياء سلبيه كتير في البلد بس ده مش سبب علشان نكرهها احنا عايزنها تكون اكبر واحسن بلد ومش ممكن ابدا ان نتهكم علي ديننا بالقول والفعل ولا علي أشرف الخلق أجمعين سيدنا محمند صلي الله عليه وسلم

أقولك حاجه أقرأ السيره النبويه ولما تقراها كويس وتفهمها كويس هتعرف أن الراجل ده سيدنا محم صلي الله عليه وسلم تعب واستحمل علشانك وعلشاني وعلشان الامه الاسلاميه كلها فميكونش جزاءه اني يجي واحد زيك مايعرفش حاجه في دنيته ولا اخرته ويسبه

لاحول ولا قوه الا بالله ربنا يهديك

وشكرا

This Is Possible Only In ...

This Is Possible Only In ... - video powered by Metacafe

Happy valentine

Happy valentine

كل عيد حب وأنتم طيبين

وتكون دايما حياتنا كلها حب



وشكرا

ما اجمل هذا الدعاء

اللهم إنا نسألك زيادة في الدين

وبركة في العمر

وصحة في الجسد

وسعة في الرزق

وتوبة قبل الموت

وشهادة عند الموت

ومغفرة بعد الموت

وعفوا عند الحساب

وأمانا من العذاب

ونصيبا من الجنة

وارزقنا النظر إلى وجهك الكريم

اللهم ارحم موتانا وموتا المسلمين واشفي مرضانا ومرضا المسليمين

اللهم اغفر للمسلمين والمسلمات والمؤمنين والمؤمنات الاحياء منهم والاموات

اللهم ارزقني قبل الموت توبة وعند الموت شهادة وبعد الموت جنة

اللهم ارزقني حسن الخاتمة

اللهم ارزقني الموت وانا ساجد لك يا ارحم الراحمين

اللهم ثبتني عند سؤال الملكين

اللهم اجعل قبري روضة من رياض الجنة ولا تجعله حفرة من حفر النار

اللهم اني اعوذ بك من فتن الدنيا

اللهم اني اعوذ بك من فتن الدنيا

اللهم اني اعوذ بك من فتن الدنيا

اللهم قوي ايماننا ووحد كلمتنا وانصرنا على اعدائك اعداء الدين

اللهم شتت شملهم واجعل الدائرة عليهم

اللهم انصر اخواننا المسلمين في كل مكان

اللهم ارحم ابائنا وامهاتنا واغفر لهما وتجاوز عن سيئاتهما وادخلهم فسيح جناتك والحقنا بهما يا رب العالمين

وبارك اللهم على سيدنا محمد صلى الله عليه وسلم

عيادات في القاهرة تستقبل راغبات إعادة العذرية لإمتاع أزواجهن

خير اللهم اجعله خير دخلت علي صفحه قناه العربيه لقيت ايه الخبر ده قال ايه الناس في مصر عايزين يحتفلوا بليله

جوازهم يروحوا بقا يعملوا ايه يعملوا عمليه لمراتهم ويرجعوا عذارا تاني ياسلام شوفتوا الحلاوه والجمال مفيش أحسن ولا أجمل من كده خلاص سيبنا كل حاجه وخلاص بقينا مرفهين وبنعمل كده والمهم أقروا المقال كويس وأنا هسيب اللينك بتاعه علشان تتأكدوا من أن الكلام ده صح وشوفوا رأى الدين أو الرأى الشرعى بيقولوا لا مشكله ورأى الطب بيقولك لأ ده مشكله وتدليس طيب نصدق مين ونكدب مين

أنا رأى أنا الشخصى ده كارثة من كوارث الزمن اللى أحنا عايشين فيه ومش عايز أكبر الموضوع قوى بس ده غلط لأنه فعلا ممكن يكون ساتر لشئ أخر وكل بنت تعمل اللي هيه عايزاه وبعدين تروح العياده وتعمل العمليه ويجي الراجل يتجوز ويعينى مايعرفش حاجه ويفتكر نفسه عنتر زمانه ويشيل كتير قوى العموم أنا وأعوذ بالله من كلمه أنا ضذ هذا الموضوع وأشجب وأندد وربنا يستر ويكون كلامى كله في الهوا ويكون الكلام حقيقي والبلنات تضيع مش بس البنات البلد تضيع أكتر ماهبه ضايعه

وأقروا كويس كلام الناس اللى راحوا وعملوا العملية والله ربنا يستر على ولايانا

وده اللينك أقروا المقال كويس ممكن أكون أنا مابفهمش ولا أنا حمار مبعرفش أقرأ ياريت

http://www.alarabiya.net/Articles/2007/01/22/30975.htm

وشكرا

وبيقولولى أتجوز

مرة واحد ماشى مع خطيبته واخر انسجام فقالها "عارفة اية هو الحب واية الجواز؟ " قالته "لا" قالها: "الحب زى النجوم الجميلة اللى فى السماء"
قالتله"طب والجواز؟" قالها:"دى البلاعة اللى واحنا بنبص على النجوم
بنقع فيها.."

ـــــــــــــــــــــــــــــــــــــ

واحد متجوز وقاعد في البيت وبيبص كتير في عقد الزواج، مراته قالت له:
بتبص في عقد الزواج ليه يا حبيبي؟" قالها: "مش عارف يا حياتي المأذون
كتب تاريخ انتهاء العقد فين

ـــــــــــــــــــــــــــــــــــــ

واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟

ـــــــــــــــــــــــــــــــــــــ

مرة واحدة قالت لجوزها "إهدى حبيبى كدة وأرجع زى زمان"، الراجل طلقها
و رجع لأيام العزوبية

ـــــــــــــــــــــــــــــــــــــ

واحد بيقول لمراته ... انا النهاردة عايز رومانسية فى البيت .... راحت
الزوجة سألت امها : يعنى ايه رومانسية ؟؟ الام : مش عارفة بس احتياطى
إنقعى الرز

ـــــــــــــــــــــــــــــــــــــ

مره واحده بتقول لجوزها "تصدق إن أنا كل يوم بحلم بيوم جوازنا" قالها
هى لسه الكوابيس دى بتجيلك؟"

ـــــــــــــــــــــــــــــــــــــ

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه
قالوا "هتعمل إيه؟" قالوا "هوديها الصين" قالوا "يا راجل فى عيد
جوازكوا العاشر توديها الصين، أومال فى عيد جوازكوا الخمسة وعشرين
هتعمل ايه؟" فقالوا "هروح اخدها"

ـــــــــــــــــــــــــــــــــــــ

مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟ قالت أصله كان بيحب واحدة ومتجوزهاش ..دخل
العنبر الى بعده لقى واحد بيضرب نفسة بالشبشب قالها وده ماله قالتله
اصل ده الى اتجوزها

مع أنها قديمه شويه بس تعبر عن عدم الرغبة فى المغامره

وشكرا

دعاء يخاف منه الشيطان

ورد في الأثر عن الإمام محمد بن واسع انه كان يدعوا الله كل يوم بدعاء خاص

فجاءه شيطان وقال له يا إمام أعاهدك أنى لن أوسوس لك أبدا ولم آتيك ولن أمرك بمعصية ولكن بشرط أن لا تدعوا الله بهذا الدعاء ولا تعلمه لأحد فقال له الإمام كلا -- سأعلمه لكل من قابلت وافعل ما شئت هل تريد معرفه هذا الدعاء ؟؟؟؟

كان يدعوا فيقول : اللهم انك سلطت علينا عدوا عليما بعيوبنا - يرانا هو وقبيلة من حيث لانراهم اللهم أيسه منا كما آيستـه من رحمتك وقنطه منا كما قنطـته من عـفوك - وباعــد بيننا وبينه كما باعـدت بينه وبين رحمتك وجنتك

بسم الله الرحمن الرحيم

لا اله الا الله رب السموات السبع ورب العرش العظيم

قال رسول الله صلى الله عليه وآله وسلم: ((عشرة تمنع عشر

سورة الفاتحة .........تمنع غضب الله

سورة يس.........تمنع عطش يوم القيامة

سورة الواقعة .......... تمنع الفقر

سورة الدخان ........ تمنع أهوال يوم القيامة

سورة الملك ........ تمنع عذاب القبر

سورة الكوثر ..........تمنع الخصومة

سورة الكافرون ....... تمنع الكفر عند الموت

سورة الإخلاص ...........تمنع النفاق

سورة الفلق تمنع .......... الحسد

سورة الناس ........... تمنع الوسواس

أحد السلف كان أقرع الرأس.. أبرص البدن.. أعمى العينين.. مشلول القدمين واليدين .. وكان يقول: "الحمد لله الذي عافاني مما ابتلى به كثيراً ممن خلق، وفضلني تفضيلاً". فمر به رجل فقال له: مما عافاك؟؟ أعمى وأبرص وأقرع ومشلول..فمما عافاك؟ فقال: ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً، اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر.

قال تعالى: { وَمَن يَعْشُ عَن ذِكْرِ اْلرَّحْمَنِ نُقَيِّضْ لَهُ شَيْطَاناً فَهُوَ لًهُ قَرِينٌ } الزخرف 36

وشكرا

كل عام وأنتم بخير

أحب أن أهنأ كل العالم بمناسبه العام الهجرى الجديد 1428 ونسأل الله أن يكون عاما سعيدا علينا وعلى الأمة الأسلامية في كل بقاع العالم

وندعوا الله أن يغفر لنا ما قدمنا وما أخرنا وماأعلننا وما أسرارنا وماأنت أعلم به منا أنت المقدم وأنت المؤخر وأنت على كل شئ عليم.

اللهم أجعل العام الجديد عاما سعيدا ويعم السلام والأمان والرخاء والطمأنينه علينا وعلى الأمة الأسلاميه .

اللهم أحفظنا وأجعل بلادنا سخاءا رخاءا وسائر بلاد المسلمين

اللهم أرحمنا وأغفر لنا

وكل عام وأنتم بخير

وشكرا

هل تعلم...؟

معلومات مخيفه بصراحة اتحدى انكم تعرفوها قبل كدةهل تعلم؟

انك إذا التقطت صوره بالكاميرا في يوم اكتمال القمر .. فانك سترى أشباحا.. ويمكنك ملاحظتهم بوضوح.

هل تعلم؟انك اذا أضفت بصلا الى كميه من الصودا .. فأنه سيتكون لديك غاز الاسيد السام والقاتل

هل تعلم؟انه في احدى المحيطات البعيدة توجد دوامه بحريه من يسقط فيها يجد نفسه في الفضاء الخارجى خارج الغلاف الجوي .

هل تعلم؟انك اذا اكلت فاكهه بعد شربك القهوه فأنك ستموت فورا .. وهذه حقيقه لم >>يستطع العلماء تفسيرها .

هل تعلم؟انك اذا تحدثت في اليوم الواحد اكثر من 1400 كلمه .. فانك مهدد بالاصابه بجلطه دماغيه .

هل تعلم؟انك اذا استلقيت على الرمال لمدة اكثر من 5 ساعات متواصله فانك ستجد نفسك في الجهه الثانيه من الكره الارضيه .. وهذه حقيقه مجربه

هل تعلم؟أنك إذا أكلت 100 حبة من الموز فسوف تصبح قردا (مجربه) اكيد

هل تعلم؟إنك إذا أكلت اكثر من ثلاث وجبات في اليوم فسيكون جسمك ضعيف وربما ترقد في المستشفي أيام ربما سنوات ربما قرووون مجربه

هل تعلم؟انك اذا قلت .. زوباغ .. ريباغ .. عسواج .. مزهاغ ..بالاضافه الى كلمه خامسه ذكرتها في بداية الموضوع فانك سوف تسمع ..أصوات اشباح ..

وهل تعلم ان ......... ؟انك فى الكاميرا الخفيةوانك لو صدقت كل الكلام دهيبقى تعيش وتاكل غيرها

على العموم اذا كنت عايز تذيع نذيع مش عايز خلاص بلاش

صوره وتعليق

وصلتنى هذه الصورة اليوم بالبريد الألكترونى وحزنت جدا عنما رأيتها فقد وصل بنا الحال لهذه الدرجه أن يقبل هذا الرجل العجوز يد هذا الجندى لصهيونى الكلب نعم الكلب ولماذا الله أعلم أترك لكم الكلام لأنه لا يوجد لدى أكثر مما قلته

وشكرا

أكياس الموت .... الكوكتيل .... الدم سابقا

أنا قريت زي أى مواطن وأو أى واحد من هذا الشعب الغلبان عن حكايه أو كلام السيده سهير الشرقاوى موظفه وزارة الصحة عن أكياس الدم القاتله أه والله القاتله المميته اللي بتسبب الإصابة بالفشل الكلوي والسرطان والتسمم البطيء والسريع يالهوى كل ده أحنا طلعنا رخاص قوى ده مرض واحد بس يودى فى داهيه من الأمراض ده بس أزاى عايزين نخلص من الشعب سريع سريع نعمل فيه ايه نجبله كوكتيل أمراض في صورة خدمه بنقدمهاله....؟

لاحول ولا قوه الا بالله ياجماعه ماهوه أصلا اللي يحتاج نقل دم بيبقي مريض بمرض ما نقوم أحنا نزودها عليهم ونعملهم الكزكيل ده...؟

كان دايما فى رمضان تيجى عربيه التبرع بالدم عند الجامع اللي بصلى فيه والشيخ بقى مش عارف ويتنبح حسه علشان نتبرع بالدم ده مهمه دينيه ووطنيه وأخلاقيه والناس تجري وتتبرع ده مهمه دينيه بقى ورمضان وشوشو يبقي محبوس بقى والحسنات تكتر الى واحد بس مايرضاش يتبرع هوه العبد لله مش بخل والله أنا كلمتى دايما اللي عايز دمى أتبرعهوله في وقتها لأنى كنت معتقد مش معتقد بس ده حاله لامستها بنفسى بنلف على كل المستشفيات على كيس دم ومالقناش بس لقينا في مستشفي وكانوا بيتاجروا فيه وباعهولنا بسعر خيالي بس الغريق بيتعلق بقشه المهم عرفت أنهم بياخدوه مننا ويبعوه للناس ياحلاوه من يومها وأنا بقول ألي عايز دمي ياخده دلوقتي والحمد لله طلعت نظريتى صح ده مش هيتاجروا فيه وبس لا كمان كوكتيل الأمراض يعنى أنا بعمل خير وهمه أتباع أبليس بيقلبوه شر وخراب على الناس ...؟

كام أسره راح منها ضحيه أستخدم هذه الأكياس..؟

كام أب أو أم أو أولاد تيتموا من وراء هذه الأكياس ...؟

كام طفل أو طفله أو شاب أوشابه فقدوا حياتهم من هذه الأكياس ...؟

حرام والله حرام ياجماعه ربنا مابيسبش حق حد أبد.....؟

حسبى الله ونعم الوكيل

وشكرا

فوقوا بقه.....؟؟؟؟

لأول مره فى حياتى أشوف أو ألاحظ هذا العداء والكره الفظيع بالنسبه للنادى الأهلى هوه أه الأهلى أتغلب من الأسماعيلى أداء ونتيجه بس خلاص يعنى الأهلى نازل من السماء أستغفر الله العظيم مايتغلبش أبدا....؟
أنا مش هتكلم عن الماتش ولا عن الحكم العالمى ولا ان أحنا عندنا أتنين واحد عمل عمليه بعد الماتش والتاني كان هيموت في الملعب ولا هتكلم عن أجهاد وظلم وفريق لعب 8 مباريات في 80 يوم بعد اليابان وكلها ماتشات بره ماعادا ماتش الزمالك ولا حتكلم عن يحي الكومى رئيس نادى الأسماعيلى ولا هتكلم عن عمر أديب ألى ممكن يفقد شعبيته اللي هوه مكتسبها بعد التريقه على الأهلي فى البرنامج بتاعه بس الرابطه مشكوره قدرت ترد عليه وتوقفه عند حده ماعلينا .... ياجماعه أحنا مشاكلنا خلاص خلصت علشان يبقى كل أهتمامتنا ان لازم أى فريق يفوز على الأهلي هيه ده أهتمامتنا كلها طيب ما الأهلى فاز على الزمالك ماحدش أتكلم ليه وكل سنه ناخد الأسماعيلى رايح جاي بالأربعه وبالسته ولا العمليه فيها حاجه لازم نغطيها ....؟
ده فيه ناس بتموت كل يوم وقضايا وأكياس دم ملوسه وأعدام وتضحيه وكرامه مدهوسه وشعوب بلا كرامه بلا دين وجايين تقولولى أهلى وأسماعيلى...؟
طيب أنا أهلاوى وبشده ومتعصب كمان بس أنا فرحت ان أحنا أنهزمنا علشان نفوق ونبص تحت رجلينا ونلعب...؟
لازم نفوق خلاص ماتش خلص فرحنا برافو بس ماتنسوش القضيه وماتنسوش البلد ةأحنا لو عملنا كده هتخلص الحجج اللي هما بيجبوهلنا ونفوق بقى من اللي بيحصل فينا...؟
أنا خلصت وقد أعذر من أنزر....؟
وشكرا

من يحمى هذا الرجل

بجد مين اللي بيحمي الشئ ده في مصر

يعني هوه كل واحد يتكلم في السياسه أو يعب في الحكومه أو اي حد من الحزب الحاكم يشوف الويل

ولما نخلى العمليه وردي وسيكو سيكو تبقي العمليه حلوه وجميله ومفيش أي حاجه

أنا نفسى أعرف مين اللى مساند الشئ ده ومين اللي طلعه ومين اللي هيمشيه أنشاء الله

شكرا للوعى المصري علي الفيديو الموجود في الرايط أدناه

http://www.youtube.com/watch?v=SFDsX0rJgz0

ملحوظه: هوه كاتب ورا علي الحيطه محتاجلك يارب

ربنا يكون في عونك ويهديك

وشكرا

أفضحوا هذا الشئ

وأنا أيضا بعد كل هذه الأحداث الساخنه أحب أن أفضح هذا الرجل الذي قام بتعذيب وهتك عرض السائق في قسم الشرطه

هو الأن محبوس ويتم التحقيق معه الى الجحيم

وربنا يستر ومايتعملش فيك زي ما عملت فى الناس أيها الخسيس

و فعلا كما تدين تدان هاهاها... والله لا شماته

وشكرا